طريقة عمل الممبار

الممبار من الأكلات الشعبية المحببة وخصوصا فى رمضان بجانب الفتة واللحمة, لكنها للأسف تأخد وقت كتير فى تحضيرها ,لذلك يفضل تجهيزها قبل وقت وتخزينها فى الفريزر على التحمير على طول.
مده التحضير: 45 دقيقة
مدة الطهى:30 دقيقة

 

1- جهزى 1كيلو ممبار (متنضف جاهزوتم نقعه فى ماء وخل وملح نصف ساعه قبل الاستخدام).

 

  2- خلطة محشى عادية جدا(اقلي البصل حتى يصبح لونه شفاف ,وضعي عليه عصير طماطم حتى يسمك ,وأضيفي الأرز والتوابل..ملح وفلفل اسود وكمون, وخضرة محشى كزبرة وبقدونس وشبت اخضر) تقريبا نستخدم لكل كيلو ممبار كيلو أرز فى خلطة المحشى.

 

 3- جهزى حلة كبيرة فيها ماء مغلى وقطعى فيها بصلة وحبة طماطم واحدة وحبهان وورق لورا(لمنع الزفارة).

 

4- قصى الممبار بالمقص وضعيه فى طبق جانبى(تقريبا طولها 15 سم وطبعا حجمها سيقل فى السلق)

 

5- تابعى قص الممبار حتى تنتهي من الكمية.

 

6- افتحى الممبار بيديك من فوق وضعي خلطة المحشى بداخلها يجب أن تراعى انها تركت فراغ من الجانبين كي يقفل وقت السلق.

 

7- بسطي الممبار بيديك وضعيه فى طبق على جنب.

 

8- أكملي حشو باقى الممبار.

 

 9- عندما يبدأ الماء بالغليان جيداً ضعي الممبار واحدة على حدا كي لا يلتصق وستلاحظي ان الأطراف بدأت تنكمش وتقفل... 

 

 

10- ضعي الممبار فى المصفاة الكبيرة كي يتصفى من الماء جيداً.

 

11- رصى الممبار فى الأطباق الفوم البيضاء يفضل يكون الممبار مفرود وضعيه داخل كيس بلاستيك او لفيه بالسلوفان الشفاف وضعيه فى الفريزر.

 

12- الشكل النهائى وبالف هنا وشفا.