شيش طاووق الدجاج

شيش طاووق الدجاج من الأكلات الخفيفة وخصوصا فى رمضان وتناسب الطقس الحار.
دجاج شيش(هى أوراك فراخ مخلية)
مده التحضير:10 دقائق..ووضعها 3 ساعات على الأفل فى التلاجة.
الكمية: فردين او اكتر.

 

المقادير: 

نصف كيلو دجاج شيش
 2 حبة فلفل الوان صغيرة 
 1 حبة بصل كبيرة 
- فنجان صغير لبن رايب
 2 ملعقة كبيرة زيت ذرة
 2 ملعقة كبيرة خل ابيض
 توابل ( ملعقة صغيرة ملح ملعقة صغيرة كارى ملعقة صغيرة بابريكا ربع ملعقة فلفل اسود ربع ملعقة قرفة) 
عيدان خشب طويلة مخصوص للشيش.

 طريقة التحضير

1-قطعى الدجاج لمكعبات كبيرة.

 

2- ضعى اللبن الرايب على الدجاج.

 

3- ضعى الخل الابيض.

 

4- ضعى زيت الذرة.

 

5- ضعى التوابل كلها.

 

6- اخلطى المقدار السابق جيدا وغطيه بسلوفان ابيض وضعيه فى التلاجة على الاقل 3 ساعات(يفضل فى حالة العزومات تتبيلها قبلها بيوم ووضعها فى التلاجة). 

 

7- قومى بنقع عيدان الخشب فى مياه منعا لاحتراقها اثناء عملية الشوى تقريبا 3 ساعات مثل الدجاج.(فى حالة العزومات ايضا قومى بنقعها قبل يوم لأنك سوف تحتاجين كمية كبيرة منها).

8- أخرجي الدجاج من التلاجة وعيدان الخشب من الماء وابدئي بوضع عود الخشب فلفل ملون ثم بصل ثم قطعه دجاج وهكذا كررى العملية حتى تضعي 3 طبقات.

9- كررى العملية السابقة حتى الانتهاء من كمية الدجاج والخضار كلها.

10- ضعى الدجاج على شواية الكهرباء وتقريبا كل 5 دقائق قومى بتقليبها للجهة الاخرى وهكذا حتى تنضج جميع الاجزاء( تستغرق عملية الشوى تقريبا نصف ساعة), فى حالة عدم وجود شواية كهرباء يمكنك وضعها فى صينية مدهونة زيت وفى الفرن على درجة حرارة 180 مع التقليب ايضا لمده نصف ساعة او اكتر .

11- هذا شكلها النهائى وبالف هنا وشفا( لا تحتاج للتزيين فيكفيها الوان الخضار الجميله)